Pages

Friday, October 20, 2017

NBA അക്രെഡിറ്റേഷന്‍

                  ദീപാവലി എന്നാല്‍ മധുരത്തിന്റെ ഉത്സവം കൂടിയാണ്. ഇന്ന് ദീപാവലി ദിനത്തില്‍ അങ്ങ് ഡെല്‍ഹിയില്‍ നിന്ന് ഇങ്ങ് കേരളത്തിലെ വയനാടിനും കിട്ടി ഒരു ദീപാവലി സമ്മാനം - എന്റെ കോളേജിലെ എന്റെ സ്വന്തം ഡിപ്പാര്‍ട്ട്മെന്റ് ആയ കമ്പ്യൂട്ടര്‍ സയന്‍സ് ആന്റ് എഞ്ചിനീയറിംഗ് വിഭാഗത്തിന് നാഷണല്‍ ബോര്‍ഡ് ഓഫ് അക്രെഡിറ്റേഷന്റെ അംഗീകാരം ലഭിച്ച സന്തോഷ വാര്‍ത്ത അറിയിക്കുന്നു. 2017-18 അദ്ധ്യന വര്‍ഷം മുതല്‍ 2019-20 വരെയുള്ള മൂന്ന് വര്‍ഷത്തേക്കാണ് അക്രെഡിറ്റേഷന്‍.
                 ഇന്ത്യയിലെ ഉന്നത വിദ്യഭ്യാസ സ്ഥാപനങ്ങള്‍ക്ക് അക്രെഡിറ്റേഷന്‍ നല്‍കുന്ന രണ്ട് സ്ഥാപനങ്ങളില്‍ ഒന്നാണ്  നാഷണല്‍ ബോര്‍ഡ് ഓഫ് അക്രെഡിറ്റേഷന്‍ (NBA).സാങ്കേതിക വിദ്യാഭ്യാസ സ്ഥാപനങ്ങളുടെയും മാനേജ്മെന്റ് പഠനസ്ഥാപനങ്ങളുടെയും ഗുണനിലവാരം നിര്‍ണ്ണയിക്കുന്നത് ഈ ബോഡിയാണ്. ആര്‍ട്സ് & സയന്‍സ് കോളേജുകളുടെയും യൂണിവേഴ്സിറ്റികളുടെയും ഗുണനിലവാരം നിര്‍ണ്ണയിക്കുന്നത് National Assessment & Accreditation Council (NAAC) ആണ്.
                 ഡിപ്പാര്‍ട്ട്മെന്റിന് വിവിധ വികസനങ്ങള്‍ക്കുള്ള ഫണ്ട് ലഭിക്കുന്നതിനെക്കാളുപരി ഈ മൂന്ന് വര്‍ഷങ്ങളിലും പഠിച്ചിറങ്ങുന്ന കുട്ടികള്‍ക്ക്, അന്താരാഷ്ട്ര അംഗീകാരമുള്ള NBA Accredited  സര്‍ട്ടിഫിക്കറ്റ് ലഭിക്കും എന്നതാണ് ഏറെ സന്തോഷം നല്‍കുന്നത്. അക്രെഡിറ്റേഷന്‍ കിട്ടാനായി കുട്ടികളും സ്റ്റാഫും രാവും പകലും അധ്വാനിച്ചത് കൂടി കൂട്ടി വായിക്കുമ്പോള്‍ ഈ അംഗീകാരത്തിന് ഏറെ മാധുര്യമുണ്ട്.

കോളേജിലെ പഠനപ്രവര്‍ത്തനങ്ങള്‍ക്ക് പുറമെ പാഠ്യേതര പ്രവര്‍ത്തനങ്ങളും കൂടി ഈ ഗുണനിലവാര പരിശോധനയില്‍ വിലയിരുത്തപ്പെടുന്നുണ്ട്. നാഷണല്‍ സര്‍വീസ് സ്കീമിന്റെ വിവിധ സാമൂഹ്യപ്രവര്‍ത്തനങ്ങളും കൂടി NBA ടീം പരിശോധിച്ചിരുന്നു. അതിനാല്‍ തന്നെ എന്റെ കോളേജിന് ഈ അംഗീകാരം ലഭിച്ചതില്‍ ഞാന്‍ ഏറെ സന്തോഷിക്കുന്നു. ഇതേ പോലെ കോഴിക്കോട് ഗവ. എഞ്ചിനീയറിംഗ് കോളേജിലും പരിശോധന കഴിഞ്ഞിട്ടുണ്ട്. അവിടെയും കിട്ടും എന്ന് പ്രതീക്ഷിക്കുന്നു.

                 

5 comments:

Areekkodan | അരീക്കോടന്‍ said...

Thanks to God

Sathees Makkoth said...

Good.congrats

Areekkodan | അരീക്കോടന്‍ said...

Satheesh Makkoth !!! After a very very long interval back here !!!Happy to meet you again.

Cv Thankappan said...

സന്തോഷം. അഭിനന്ദനങ്ങള്‍ മാഷേ

Areekkodan | അരീക്കോടന്‍ said...

തങ്കപ്പേട്ടാ...Thanks

Post a Comment

നന്ദി....വീണ്ടും വരിക